ເສດຖະກິດ ອາຊີ-ປາຊີຟິກ ຂະຫຍາຍຕົວ 4,5% ໃນປີນີ້
ສຳນັກຂ່າວຊິນຮວາຂອງ ສປ ຈີນ ລາຍງານຈາກປະເທດ ສິງກະໂປ ເມື່ອບໍ່ດົນມານີ້ວ່າ: ກອງທຶນການເງິນຕາສາກົນ (ໄອເອັມເອຟ)
ຄາດວ່າຕົວເລກການເຕີບໂຕທາງເສດຖະກິດ ໃນພາກພື້ນອາຊີ-ປາຊີຟິກ ໃນປີນີ້ ຈະກວມເອົາ 4,5% ເປັນຕົວເລກຫຼຸດລົງ ເມື່ອທຽບ
ໃສ່ ປີ 2023. ໄອເອັມເອຟ ລະບຸວ່າ: ອາຊີ-ປາຊີຟິກ ຈະສືບຕໍ່ເປັນພາກພື້ນທີ່ມີຂະຫຍາຍຕົວຫຼາຍທີ່ສຸດໃນໂລກ ເຊິ່ງມີສ່ວນສົ່ງເສີມ
ການເຕີບໂຕທົ່ວໂລກປະມານ 60% ໃນປີນີ້.
ນອກນັ້ນ ໄອເອັມເອຟ ຍັງລະບຸອິີກວ່າ: ພາກພື້ນອາຊີ-ປາຊີຟິກ ເປັນຕົວຂັບເຄື່ອນການຈະເລີນເຕີບໂຕ ທີ່ຫຼາກຫຼາຍນັບແຕ່ການ
ບໍລິໂພກພາຍໃນປະເທດທີ່ເຂັ້ມແຂງຂອງປະເທດ ໂດຍສ່ວນໃຫຍ່ໃນອາຊີ ຕາເວັນອອກ ສ່ຽງໃຕ້ ລວມເຖິງການຟື້ນຕົວຢ່າງວ່ອງໄວ
ຂອງຂະແໜງການທ່ອງທ່ຽວຢູ່ຫຼາຍປະເທດ, ເຂດໝູ່ເກາະປາຊີຟິກ.
ປັດຈຸບັນຄວາມສ່ຽງໄລຍະໃກ້ ຂອງພາກພື້ນ ອາຊີ-ປາຊີຟິກ ຢູ່ໃນຈຸດສົມດຸນ, ພາວະເງິນເຟີ້ຫຼຸດລົງ ແລະ ທ່າອ່ຽງການດຳເນີນ
ນະໂຍບາຍການເງິນແບບຫຼຸດລົງ ເຊິ່ງຈະຊ່ວຍໃຫ້ເພີ່ມຄວາມເປັນໄປໄດ້ຂອງການຄວບຄຸມໄພເງິນເຟີ້ ໂດຍບໍ່ເຮັດໃຫ້ເກີດພາວະເສດ
ຖະກິດຢຸດຈຶ້ງ.
ແຫຼ່ງທີ່ມາ: ໜັງສືພິມກອງທັບ
ວັນທີ 10/05/2024